Bretagne, Frankreich· 2 Min. zom Lesa
Bretagne 2022
Urlaub an dr bretonischa Küscht ond s'Rad emmer drbei: a paar längere Touren zu rosa Granit, Schiffsfriedhöf ond Leuchttürm, drzwischa kloine Rondla ond jeden Dag d'Fahrt zom Bäck.
- 376 km
- 3.906 hm
- 15:36 h
Familiaurlaub en dr Bretagne, zamma mit meinera Frau, meinera Schwägerin, meim Schwager ond onserer Nichte. S'Rad war natürlich trotzdem drbei. Net für a Trainingslager, sondern für des, was d'Bretagne so guat ka: Küschtastraßa, kloine Dörfla, a Wetter, des net woiß, was es will, ond emmer wieder a Blick uffs Meer.
Am Morga en dr Früh, wenn älle no pennet
Die schönschte Stond waret oft die erschte vom Dag. Während dr Rescht vo dr Familie no beim Frühstück ghockt isch, war i scho onderwegs: an leere Strände bei Ebbe, an Felsa aus rosa Granit, die ausgucket, wie wenn se oiner uffanander gschichtet hätt, ond an ama Schiffsfriedhof, wo alte Kutter ganz langsam em Schlick versaufet. Wer zrück isch, bevor die andere da Dag planet, hot Zeit für boides: Rad ond Urlaub.
A paar längere Ronda
Nebe de kurze Rondla hot's au a paar längere Touren geba. Ens Landesinnere, wo d'Heide weit wird ond d'Wolka tief hanget, vorbei an verlassene Kapella, alte Stoibrucka ond Dörfla, en dene d'Zeit a bissle langsamer lauft. D'Bretagne isch net hoch, aber selta eba: Es goht dauernd nauf ond nonder, ond dr Wend vom Atlantik schwätzt emmer mit.
En dr Bretagne gibt's koi schlechts Wetter, bloß a Wetter, des sich älle zeh Minuta andersch überlegt.
D'Überschuah send entsprechend oft zom Eisatz komma. Aber noch jedem Schauer isch d'Sonn wieder rauskomma, ond a kalte Orangina em nächschta Dorf hot bisher no jede Regarond grettet.
Dr wichtigschte Termin: dr Bäck
Fascht jeden Dag hot's drzua die kürzeschte ond vielleicht wichtigschte Tour vom Urlaub geba: d'Fahrt zom Bäck. Frischs Baguette ond Croissants für älle, ond als Fahrer hot ma natürlich s'Recht uffs erschte Pain au Chocolat. Mit em Rad isch des en a paar Minuta erledigt ond macht a ganz Eck meh Spaß als mit em Auto.
Zom Schluss
Am End vom Urlaub no amol Sonn pur: Blick über d'Bucht uff a kloins Leuchttürmle ond a Feschtung uff ra Insel, s'Wasser saumäßig blau. A schöner Abschluss für a Woch, en dera s'Rad nia d'Hauptsach war, aber jeden Dag a bissle besser gmacht hot.
Guat zom wissa
- Wetter: Regajack ond Überschuah ghöret emmer ens Gepäck, au em Spätsommer.
- Gezeita: Viele Strände ond Buchta guckat bei Ebbe ond Flut ganz andersch aus. A Blick en da Gezeitakalender lohnt sich, au für d'Bildla.
- Veschper: En fascht jedem Dorf gibt's a Boulangerie. Hongrig bleiba muass do koiner.
Vo Hand ens Schwäbische übertraga.
9 Etappa
D'Strecke
Die interaktive Kart lädt Kartabildla vo OpenStreetMap. Drbei goht dei IP-Adress an deren Server. Meh drzua em Datenschutz.
- Tour 1(Strava, goht en ama neua Tab uff)
- Tour 2(Strava, goht en ama neua Tab uff)
- Tour 3(Strava, goht en ama neua Tab uff)
- Tour 4(Strava, goht en ama neua Tab uff)
- Tour 5(Strava, goht en ama neua Tab uff)
- Tour 6(Strava, goht en ama neua Tab uff)
- Tour 7(Strava, goht en ama neua Tab uff)
- Tour 8(Strava, goht en ama neua Tab uff)
- Tour 9(Strava, goht en ama neua Tab uff)
Tour 130 km · 306 hm
Tour 229,9 km · 420 hm
Tour 311,2 km · 134 hm
Tour 434,6 km · 379 hm
Tour 5115,2 km · 1.196 hm
Tour 617,2 km · 109 hm
Tour 729,8 km · 347 hm
Tour 829,1 km · 216 hm
Tour 978,6 km · 799 hm
12 Bildla
Onderwegs feschtghalta
Morgens am leera Strand, Ebbe ond graue Wolka überm Meer Zwischa Heide ond rosa Granitfelsa an dr Küscht A Schiffsfriedhof bei Ebbe: alte Kutter em Schlick Weißer Sand ond türkises Wasser, fascht wie em Süda Paus an dr Mündung, d'Flut isch no weit draußa En de Mauera vo ra verlassene Kapell Alte Stoibruck en ama bretonischa Dörfle Weite Heide ond tiefe Wolka em Landesinnera S'wichtigschte Veschper vom Dag: a kalte Orangina Boot en ra ruhiga Bucht, hendadrah d'Heisr vom Dorf Halt Bretagne: Rega, nasse Straßa ond grüne Überschuah Zom Schluss Sonn über dr Bucht, mit Leuchtturm ond Inselfeschtung